Гахайн томуугийн хүний өвчлөлийн эмнэл зүй, урьдчилан сэргийлэлтийн тухай

Гахайн томуугийн хүний өвчлөлийн үед илрэх эмнэлзүйн шинж тэмдэг:

Ердийн ханиад томуугийн үед илрэх шинж тэмдгүүд (нус гоожих, ханиалгах, толгой өвдөх, хоолой өвдөх, халуурах, булчингаар өвдөх, тамирдах, сульдах, бөөлжих, суулгах гэх мэт) илэрнэ.

Урьдчилан сэргийлэлт:

Одоогоор өвөрмөц вакцин байхгүй.

Хүн бүр эрүүл ахуй, ариун цэврийн дэглэмийг сайтар сахих шаардлагатай. Үүнд:

• Ханиаж, найтаах үед ам хамрыг таглах.
• Гараа сайтар савандаж угаах. 
• Өвчтэй хүнтэй хавьтал болохоос аль болох зайлсхийх.
• Нүд, ам, хамарт бохир гараар хүрэхгүй байх.
• Амин дэмээр баялаг хоол хүнс хэрэглэх.
• Гэр орондоо чийгтэй цэвэрлэгээ хийж, 2 цаг тутамд агааржуулж байх.
• Онцын шаардлагагүй тохиолдолд өвчлөл гарсан оронд зорчихгүй байх.
• Олон хүн цугласан газраар сэлгүүцэхгүй байх.
• Бие засах газар, ариун цэврийн өрөөний суултуур, гар угаагуурыг 1%-ийн хлорамины уусмалаар халдваргүйжүүлж байх.
• Эмнэлзүйн шинж тэмдэг илэрсэн тохиолдолд харъяа эрүүл мэндийн байгууллагад яаралтай хандах.

Сэжигтэй тохиолдол илэрвэл ХӨСҮТ-ийн 100, 454921 утсанд мэдээлэх, зөвлөмж авахыг зөвлөж байна.