Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

Тандалтын мэдээ - 2018 оны 23 дах 7 хоног (2018 оны 6 сарын 4 - 10 хүртэл)
Бичсэн А.Бурмаа, Б.Дармаа, Б.Ганцоож, Д.Оюунгэрэл, Б.Цэрэндулам   
Баасан, 2018 оны 06 сарын 15

1. Өвчлөлийн тандалт

1.1. ТТӨ-ий амбулаторын өвчлөл


Зураг 1.1.1. Улсын хэмжээнд

Дэлгэрэнгүй...
 
“АЗЦХ үүсгэгчдийг илрүүлэх БХ-ПГУ-ын шинжилгээний арга техник” сэдэвт сургалт боллоо
Бичсэн Б.Дармаа   
Пүрэв, 2018 оны 10 сарын 04

2018 оны 09 дүгээр сарын 27-28-ны өдрүүдэд “Амьсгалын замын цочмог халдвар үүсгэгчдийг илрүүлэх бодит-хугацааны полимеразын гинжин урвалын шинжилгээний арга техник” сэдэвт 1,5 багц цагийн сургалт ХӨСҮТ-ийн Вирүс судлалын лабораторит зохион байгуулагдлаа. Сургалтанд ХӨСҮТ-ийн вирүс судлал, Клиник биохими, БЗДХ-ын лаборатори, Ховд, Дорнод, Орхон аймгийн БОЭТ, Дархан-Уул аймгийн НЭ-ийн лаборатори, ЗӨСҮТ, ЭХЭМҮТ-ийн лабораторийн эмч, судлаачид, лаборант нар нийт 20 хүн хамрагдлаа (Зураг 1). Сургалтын эхэнд ХӨСҮТ-ийн ерөнхий захирал Д.Нямхүү, ДЭМБ-ын халдварт өвчин хариуцсан мэргэжилтэн О.Ариунтуяа, ЭМЯ-ны Шуурхай Удирдлагын Газрын мэргэжилтэн С.Амарзаяа, Япон улсын ХӨҮХ-гийн Томуугийн Вирүсийн Судалгааны Төвийн ахлах судлаач Мина Накаучи нар нээж үг хэллээ (Зураг 2). Сургалт лекц болон лабораторийн дадлага ажил хосолсон байдлаар явагдав. ХӨСҮТ-ийн вирүс лабораторийн эрхлэгч АУ-ы доктор Б.Дармаа “2017/2018 онд ТТӨ-ний лабораторийн тандалтын дүн, салбар лабораториудын хамтын ажиллагаа”, ХӨСҮТ-ийн вирүс судлалч АУ-ы магистр Ч.Хишигмөнх “Монголд 2017-2018 онд хийгдсэн амьсгалын замын синциталь вирүсийн тандалт судалгаа”, Япон улсын ХӨҮХ-гийн ахлах судлаач, доктор Мина Накаучи “Эмгэг төрүүлэгч вирүсийн оношилгоо”, “Стандарт ажиллагааны аргачлал”, “Нуклейн хүчил олшруулах шинжилгээний явцад бохирдлоос сэргийлэх арга хэмжээ”, ХӨСҮТ-ийн вирүс судлалч АУ-ы магистр Ц.Наранзул “Вирүс судлалын лабораторийн чанарын дотоод хяналтын зарим асуудалд” сэдвээр тус тус лекц уншиж манай мэргэжилтнүүдийн мэдлэгт хувь нэмэр орууллаа.

Доктор Мина Накаучи, ХӨСҮТ-ийн вирүс судлалч Н.Баясгалан, Ц.Наранзул нар оролцогчидод зориулж томуугийн А ба В хэвшинжийн вирүсийн өвөрмөц ген илрүүлэх бодит хугацааны полимеразын гинжин урвалын шинжилгээний арга техник эзэмшүүлэх дадлага сургалтыг амжилттай зохион байгууллаа (Зураг 3-6). Энэ удаагийн сургалт нь бх ПГУ-ын шинжилгээний арга техник эзэмшүүлэхээс гадна вирүс судлалын лабораторийн чанарын дотоод хяналтыг сайжруулах тал дээр түлхүү анхаарч ажилласнаараа өмнөх сургалтуудаас өвөрмөц давуу талтай боллоо.


Зураг 1. “Амьсгалын замын цочмог халдвар үүсгэгчдийг илрүүлэх бх-ПГУ шинжилгээний арга техник” сургалтанд оролцогчид зохион байгуурагчдын хамт

Дэлгэрэнгүй...
 
ДЭМБ: Томуугийн 2 долоо хоног тутам шинэчлэгддэг мэдээ: №314
Бичсэн Д.Оюунгэрэл   
Мягмар, 2018 оны 05 сарын 15

Томуугийн идэвхжил: Дэлхийн бөмбөрцгийн хойд хагасын сэрүүн бүсийн улс орнуудад томуугийн идэвхжил улирал хоорондын түвшинд хүрч, дэлхийн бөмбөрцгийн өмнөд хагасын сэрүүн бүсийн улс орнуудад буурч, улирлын түвшнөөс доогуур байна. Дэлхий дахинд томуугийн А болон В вирүс давамгайлан орчилд байна.

  • Хойд Америкийн улс орнууд болон Канад улсад томуугийн идэвхжил буурч, томуугийн В вирүс давамгайлан орчилд байна. Мексик улсад томуугийн идэвхжил буурч улирал хоорондын түвшинд хүрсэн байна.
  • Европын ихэнхи улс орнуудад томуугийн идэвхжил буурч, томуугийн А болон В вирүс давхар орчилд байна. Оросын холбооны улсад томуугийн идэвхжил өндөр түвшинд байна.
  • Өмнөд Африкийн улс орнуудад томуугийн идэвхжил буурч байгаа хэдий ч Египет улсад үргэлжлэн нэмэгдсээр байна.
  • Баруун Азийн зарим улс орнуудад томуугийн идэвхжил буурсан томуугийн A(H1N1)pdm09 вирүс давамгайлан орчилд байна.
  • Төв Азийн улс орнуудад томуугийн идэвхжил буурч байна.
  • Зүүн Азийн улс орнуудад томуугийн идэвхжил буурч улирал хоорондын түвшинд байна.
  • Карибийн улс орнуудад томуу идэвхжил нэмэгдэж байна. Доминикан улсад томуугийн идэвхжил нэмэгдсэн, томуугийн A(H1N1)pdm09 вирүс давамгайлан орчилд байна. Ямайка, Пуэрто Рико, Франц улсад томуугийн идэвхжил оргил үедээ хүрсэн, улирлын томуугийн бүх хэвшинжийн вирүс орчилд байна. Төв Америкийн улс орнуудад томуугийн идэвхжил бага түвшинд, Гватемал улсад өндөр түвшинд байна.
  • Өмнөд Америкийн Болив улсад АЗЦХХ нэмэгдэж байна.
  • Баруун болон Төв Африкийн орнуудад алаг цоог дэгдэлтүүд бүртгэгдэж байна. Зүүн Африкийн Танзанийн Нэгдсэн Бүгд Найрамдах Улсад томуугийн идэвхжил буурсан байна.
  • Өмнөд Азийн улс орнуудад томуугийн идэвхжил бага түвшинд, Бутан улсад томуугийн идэвхжил нэмэгдсэн байна.
  • FluNet-ийн 2018 оны 4 дүгээр сарын 1-ноос 15-ныг хүртэлх мэдээгээр 113 орны ТҮТ-үүдийн шинжилсэн нийт сорьцны 21,639 сорьцонд томуугийн вирүс эерэг тодорхойлогдсон байна. Нийт эерэг сорьцны 12,034 (55.6%)-д томуугийн A, 9,605 (44.4%)-д томуугийн B вирүс эерэг тодорхойлогдсон байна. Томуугийн A вирүсийн 3,077 (58.2%)-д томуугийн A (H1N1)pdm09, 2,211 (41.8%)-д томуугийн A (H3N2) эерэг гарсан байна. В вирүсийн 917 (88.7%) нь В-Yamagata lineage, 117 (11.3%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/2018_04_30_surveillance_update_314.pdf?ua=1

 
"Томуугийн A(H7N9) вирүст халдварын илрүүлэг, хариу арга хэмжээ" салбар хоорондын дасгал сургуулилт
Бичсэн Д.Оюунгэрэл   
Мягмар, 2018 оны 03 сарын 27

2018 оны 3 дугаар сарын 20, 21-ний өдрүүдэд Халдварт өвчин судлалын үндэсний төв, Мал Эмнэлгийн Хүрээлэнгийн мэргэжилтнүүдийн баг Өмнөговь аймагт "Томуугийн A (H7N9) вирүст халдварын илрүүлэг, хариу арга хэмжээ" сэдэвт салбар хоорондын дасгал сургуулилалтыг АНУ-ын Өвчний Хяналт Сэргийлэлтийн Төв (ӨХСТ)-ийн санхүүжилтээр амжилттай зохион байгуулав. Сургалтанд АНУ-ын ӨХСТ-өөс боловсруулж, уг вирүст халдвар бүртгэгдээгүй улс орнуудад хэрэглэхийг зөвлөмж болгосон сургалтын материалыг ашиглаж, A (H7N9) вирүст халдварын эпидемиологийн тандалт, эмнэлзүйн менежмент, халдвар хяналт, эрсдлийн үнэлгээ сэдвүүдээр илтгэл хэлэлцүүлж, ярилцлага, ширээний дасгал сургуулилт хийлээ. Сургалтанд аймгийн Засаг даргын тамгын газар, Хилийн мэргэжлийн хяналтын газар, Мэргэжлийн хяналтын газар, Зоонозын өвчин судлалын төв, Эрүүл мэндийн газар, Бүсийн оношилгоо эмчилгээний төв, Мал эмнэлэг, Онцгой байдлын ерөнхий газрын 30 гаруй мэргэжилтнүүд оролцлоо (Зураг 2).

Сургалтын эхний өдөр ХӨСҮТ-ийн Халдварт өвчний тандалт судалгааны албаны дарга А.Амбасэлмаа “Болзошгүй гамшиг, нийгмийн эрүүл мэндийн ноцтой байдлын үеийн салбар хоорондын мэдээлэл солилцох, хариу арга хэмжээг шуурхай зохион байгуулах журам, Монгол Улсын Шадар Сайдын 2017 оны 8 тоот тушаалыг танилцуулж, ХӨСҮТ, Мал Эмнэлгийн Хүрээлэнгийн мэргэжилтнүүд томуугийн A (H7N9) вирүсийн шинж төрх, шувууны томуугийн A(H7N9) халдварын үед сорьц цуглуулах, хадгалах, тээвэрлэх, биоаюулгүй ажиллагаа, шувууны томуу өвчний дэлхий дахины болон бүс нутгийн өнөөгийн нөхцөл байдал, шувууны томуу өвчин, тандалт, судалгааны сүүлийн 3 жилийн тойм, шувууны томуугийн HxNy вирүст хүний халдварын тандалт судалгаа, шуурхай хариу арга хэмжээ авах баг, томуугийн А хэвшинжийн шинэ вирүст халдварын эмнэл зүй, оношилгоо, эмчилгээ, эмийн ба эмийн бус сэргийлэлт, эмнэлгийн тусламжинд халдварын сэргийлэлт, хяналт, болзошгүй гамшиг, нийгмийн эрүүл мэндийн ноцтой байдлын үеийн эрсдэлийн үнэлгээг хэрхэн хийх зэрэг сэдвүүдээр илтгэл тавьж томуугийн шинэ вирүсийн хүний халдвар ба шувууны томуугийн дэгдэлтийн үед орон нутагт тулгарч болох бэрхшээлүүд, шийдвэрлэх арга зам, салбар хоорондын мэргэжилтнүүдийн хамтын ажиллагааны талаар ярилцлага өрнүүллээ.


Зураг 1. Сургалтыг нээж аймгийн ЭМГ-ийн дарга (зүүн гар талаас) Ц.Өнөржаргал, ХӨСҮТ, ХӨТСА-ны дарга А.Амбасэлмаа, аймгийн ЗДТГ-ын Нийгмийн бодлогын хэлтсийн дарга Ү.Энхцацрал, ХӨСҮТ, ВСЛ-ийн эрхлэгч Б.Дармаа нар үг хэлэв.

Дэлгэрэнгүй...
 
ДЭМБ: Томуугийн 2 долоо хоног тутам шинэчлэгддэг мэдээ: №311
Бичсэн Д.Оюунгэрэл   
Бямба, 2018 оны 03 сарын 24

Томуугийн идэвхжил Дэлхийн бөмбөрцгийн хойд хагасын сэрүүн бүсийн улс орнуудад өндөр түвшинд хүрч зарим улс орнуудад оргил үедээ хүрсэн байна. Дэлхийн бөмбөрцгийн өмнөд хагасын сэрүүн бүсийн улс орнуудад буурч, улирал хоорондын түвшинд байна. Дэлхий дахинд томуугийн А вирүс хүн амын дунд давамгайлан орчилдож байна. FluNet-ийн 2018 оны 3 дугаар сарын 4-нөөс 19-нийг хүртэлх мэдээгээр 111 орны ТҮТ-үүдийн шинжилсэн нийт сорьцны 72,543 сорьцонд томуугийн вирүс эерэг тодорхойлогдсон байна. Нийт эерэг сорьцны 32,650 (45%)-д томуугийн A, 39,893 (55%)-д томуугийн B вирүс эерэг тодорхойлогдсон байна. Томуугийн A вирүсийн 7,350 (60.4%)-д томуугийн A (H1N1)pdm09, 4.817 (39.6%)-д томуугийн A (H3N2) эерэг гарсан байна. В вирүсийн 4,820 (94.7%) нь В-Yamagata lineage, 269 (5.3%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/2018_03_19_surveillance_update_311.pdf?ua=1

 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 1 - 5 - 538

АНХААРУУЛГА

Улирлын томуугийн идэвхжил буурч байна.

ТАРХАЛТ

ЗӨВЛӨГӨӨ

Зар

ЗАРЛАЛ 001

Томуу, томуу-төст өвчнөөс сэргийлэх, эмчлэх үйлдэлтэй эм, ариутгалын бодисийн ухуулга сурталчилгааны материалын зарлалыг манай вэб-сайт үнэ төлбөргүйгээр байршуулна

 

ХҮЛЦЭЛ ӨЧЬЕ
Томуугийн Үндэсний Төвийн вэб хуудас сүүлийн 2 долоо хоног техникийн саатлын улмаас ажиллаагүй тул эрхэм хамтрагч, вэб-д идэвхтэй хандагсдаасаа хүлцэл өчье. ТҮТ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр338
mod_vvisit_counterөчигдөр922
mod_vvisit_counterэнэ 7 хоногт1260
mod_vvisit_counterэнэ сард14293
mod_vvisit_counterбүгд1373947

Одоо сүлжээнд

Бидэнд 2 зочид онлайн