National Influenza Center of Mongolia, Томуугийн Үндэсний төв - Нүүр Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

Тандалтын мэдээ - 2017 оны 48 дах 7 хоног (2017 оны 11 сарын 27-12 сарын 3 хүртэл)
Бичсэн А.Бурмаа, Б.Дармаа, Б.Ганцоож, Д.Оюунгэрэл, Б.Цэрэндулам   
Баасан, 2017 оны 12 сарын 08

1. Өвчлөлийн тандалт

1.1. ТТӨ-ий амбулаторын өвчлөл


Зураг 1.1.1. Улсын хэмжээнд

Дэлгэрэнгүй...
 
Лабораторийн биоаюулгүй ажиллагаа сургалт
Бичсэн Г.Нямаа   
Даваа, 2017 оны 12 сарын 04

2017 оны 11 дүгээр сарын 30 ны өдөр Эрүүл Мэндийн Яам (ЭМЯ), Халдварт Өвчин Судлалын Үндэсний Төв (ХӨСҮТ), Монголын Вирүс Судлалын Нийгэмлэгтэй (МВСН) хамтран Дэлхийн эрүүл мэндийн байгууллагын дэмжлэгтэйгээр салбар хоорондын лабораторийн мэргэжилтнүүдэд зориулсан “Лабораторийн биоаюулгүй ажиллагаа” сэдэвт 1 багц цагийн сургалтыг ХӨСҮТ-д зохион байгууллаа.

Сургалтын үеэр “Лабораторийн биоаюулгүй ажиллагааны гарын авлага” номын Монгол хэл дээрх хоёрдахь хэвлэлийг нийтэд хүртээл болголоо. Тус номын ерөнхий редактороор Анагаахын Шинжлэх Ухааны Их Сургуулийн Бичил Амь Дархлал судлалын тэнхимийн эрхлэгч, Анагаах ухааны доктор, профессор С.Цогтсайхан ажилласан юм.

Сургалтанд ХӨСҮТ, Зоонозын Өвчин Судлалын Үндэсний Төв (ЗӨСҮТ), Мал Эмнэлгийн Хүрээлэн (МЭХ), Нийгмийн Эрүүл Мэндийн Үндэсний Төв (НЭМҮТ), Шинжлэх Ухааны Академийн Биологийн хүрээлэнгийн лабораторийн ажилтнууд, Монголын биоаюулгүй ажиллагааны нийгэмлэг, МВСН-ийн гишүүд судлаачид хамрагдлаа (Зураг 1).


Зураг 1. “Лабораторийн биоаюулгүй ажиллагаа” сэдэвт сургалтанд оролцогчид сургагч багш нарын хамт

Дэлгэрэнгүй...
 
Шувууны томуугийн A(H7N9) вирүст хүний халдварын голомтолсон тохиолдын судалгаа, БНХАУ, 2013-2017 он
Бичсэн Д.Оюунгэрэл, А.Бурмаа   
Баасан, 2017 оны 12 сарын 01

2016 оны 12 дугаар сараас хойш шувууны томуугийн A(H7N9) вирүст хүний халдварын тохиолдын тоо эрс нэмэгдэж, томуугийн цартахлыг үүсгэж болзошгүй хэмээх болгоомжлолыг төрүүлээд байгаа билээ. Шувууны томуугийн вирүст хүний халдварын хөнгөн хэлбэрийн өвчлөл, өөр хоорондоо тархвар зүйн холбогдол бүхий халдварын шинэ тохиолдлын тоо болон голомтолсон өвчлөлийн тоо нэмэгдэх нь хүнээс хүнд халдвар дамжин тархаж байж болзошгүй байгааг илтгэн харуулсан эхний дохио юм. БНХАУ-д бүртгэгдсэн шувууны томуугийн A(H7N9) вирүст хүний халдварын 5 дахь дэгдэлт (2016-2017)-ийн үед халдварын тоо эрс нэмэгдсэн ба энэ нь хүнээс хүнд халдвар дамжин тархсантай холбоотой эсэхийг тогтоохын тулд судлаачид өмнөх 4 дэгдэлтийн голомтолсон өвчлөлтэй 5 дахь дэгдэлтэнд бүртгэгдсэн голомтолсон өвчлөлийг харьцуулан дараах судалгааг гүйцэтгэсэн байна.

Судалгааны ажлаас товчхон дурьдвал:

БНХАУ-ын ӨХСТ нь лабораториор батлагдсан шувууны томуугийн A(H7N9) вирүст хүний халдварын тохиолдол бүрт тандалт судалгааг хийж, тэдгээрийн ойрын хавьтлуудад 10 хоногийн турш эмнэлзүйн хяналт тавьж, өдөр бүр эрүүл мэндийн байдалд үзлэг хийсэн байна. Амьсгалын замын цочмог халдварын шинж тэмдэг илэрсэн ойрын хавьтлаас хамар, залгиурын сорьц авч A(H7N9) вирүсийг илрүүлэх шинжилгээ хийжээ. Шувууны томуугийн A(H7N9) вирүс батлагдсан өвчтөн, түүний ойрын хавьтлуудаас хүн ам зүй, ам бүлийн гишүүд, тэдний хоорондын харилцаа, өвчтөн тэжээвэр шувууны фермтэй холбоотой, түүнтэй ямар нэг байдлаар холбогдсон эсэх тархвар зүйн болон эмнэлзүйн шинж тэмдгийн талаарх дэлгэрэнгүй мэдээллийг цуглуулсан байна. Эдгээр мэдээллийг цуглуулан түүнд дүн шинжилгээ хийх нь шинэ халдварын дэгдэлтийн үед авч хэрэгжүүлж буй нийгмийн эрүүл мэндийн хариу арга хэмжээний нэг хэсэг бөгөөд эрсдлийн үнэлгээнд өндөр ач холбогдолтой мэдээллүүд юм.

Халдварын дэгдэлтийн хугацаа: тухайн оны 9 дүгээр сарын 1-нээс дараа оны 8 дугаар сарын 31-нийг хүртэл.

Голомтолсон өвчлөл: 10 хоногийн хугацаанд эмнэлзүйн ижил шинж тэмдэг илэрсэн, өөр хоорондоо тархвар судлалын холбоотой, лабораториор шувууны томуугийн A(H7N9) вирүс батлагдсан, 2 болон түүнээс дээш тохиолдол.

Дэлгэрэнгүй...
 
Зөвлөмж хүргүүлэх тухай(ХӨСҮТ захирлын 2017 оны 7/1154 тоот)
Бичсэн Б.Ганцоож   
Пүрэв, 2017 оны 11 сарын 30
Дэлгэрэнгүй...
 
ДЭМБ: Томуугийн 2 долоо хоног тутам шинэчлэгддэг мэдээ: №303
Бичсэн Д.Оюунгэрэл   
Пүрэв, 2017 оны 11 сарын 30

Дэлхийн бөмбөрцгийн хойд хагасын сэрүүн бүсийн орнуудад томуугийн идэвхжил бага зэрэг нэмэгдэж байгаа бол дэлхийн бөмбөрцгийн өмнөд хагасын сэрүүн бүсийн улс орнуудад буурч улирал хоорондын түвшинд хүрсэн байна. Төв Америк, Карибийн улс орнуудад томуугийн идэвхжил бага түвшинд байна. Дэлхий дахинд томуугийн А (H3N2) болон В вирүс давхар эргэлтэнд байна.

  • Хойд Америкийн ихэнхи мужуудад томуугийн идэвхжил нэмэгдсэн, томуугийн А (H3N2) вирүс давамгайлан эргэлтэнд байна.
  • Европын орнуудад томуугийн идэвхжил бага түвшинд, томуугийн А (H3N2) болон В вирүс давхар эргэлтэнд байна.
  • Баруун Азийнн улс орнуудад томуугийн идэвхжил бага түвшинд байна. Катар улсад томуугийн идэвхжил өндөр түвшинд, улирлын томуугийн бүх вирүс хүн амын дунд эргэлтэнд байна.
  • Төв Азийн Казакстан, Тажикистан, Узбекистан улсад амьсгалын замын халдварт өвчний үзүүлэлтүүд нэмэгдэж байна.
  • Зүүн Азийн улс орнуудад томуугийн идэвхжил бага түвшинд байна. Хятадын хойд хэсгийн улс орнуудад томуугийн А (H3N2) вирүс эргэлтэнд байна.
  • Зүүн Өмнөд Азийн улс орнуудад томуугийн идэвхжил буурсан, томуугийн А (H3N2) болон В вирүс давхар эргэлтэнд байна.
  • Өмнөд Азийн улс орнуудад томуугийн идэвхжил бага түвшинд байна. Энэтхэг улсад томуугийн А (H3N2) болон A (H1N1)pdm09 вирүс давхар эргэлтэнд байна.
  • Өмнөд Африкийн Марокко болон Тунис улсад томуугийн А вирүсийн алаг цоог дэгдэлт бүртгэгдэж байна.
  • Баруун болон Зүүн, Төв Африкийн улс орнуудад томуугийн идэвхжил өмнөх долоо хоногуудын түвшинд, улирлын томуугийн бүх дэд хэвшинжийн вирүсүүд хүн амын дунд эргэлтэнд байна.
  • Карибийн болон Төв Америкийн улс орнуудад томуу болон амьсгалын замын халдварын вирүсүүдийн идэвхжил бага түвшинд, RSV вирүсийн идэвхжил зарим орнуудад өндөр түвшинд байна.
  • Өмнөд Америкийн халуун бүсийн улс орнуудад томуу болон RSV-ийн идэвхжил бага түвшинд байна.
  • Дэлхийн бөмбөрцгийн өмнөд хагасын улс орнуудад томуугийн идэвхжил буурч байна.
  • FluNet-ийн 2017 оны 10 дугаар сарын 30-наас 11 дүгээр сарын 12-ныг хүртэлх мэдээгээр 84 орны ТҮТ-үүд нийтдээ 103,642 сорьц шинжилж, 5,515-д томуугийн вирүс эерэг байж, 3,690 (66.9%)-д томуугийн A, 1,825 (33.1%) -д томуугийн B вирүс эерэг тодорхойлогдсон байна. Томуугийн A вирүсийн 509 (21.4%)-д томуугийн A (H1N1)pdm09, 1,873 (78.6%)-д томуугийн A (H3N2) эерэг гарчээ. В вирүсийн 781 (77.9%) нь В-Yamagata lineage, 221 (22.1%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/latest_update_GIP_surveillance/en/

 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 1 - 5 - 515

АНХААРУУЛГА

Томуугийн A(H3N2), B вирүс хүн амын дунд зэрэгцэн эргэлтэнд орж эхэллээ.

ТАРХАЛТ

ЗӨВЛӨГӨӨ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр297
mod_vvisit_counterөчигдөр667
mod_vvisit_counterэнэ 7 хоногт2188
mod_vvisit_counterэнэ сард7372
mod_vvisit_counterбүгд1194636

Одоо сүлжээнд